နိုင်ငံခြားငွေဝန်ဆောင်မှုလုပ်ငန်းအခြေအနေ

ကမ္ဘာ့ရတနာဘဏ်သည် မြန်မာနိုင်ငံတော်ဗဟိုဘဏ်မှ ပြည်ပနိုင်ငံများနှင့် နိုင်ငံခြားဘဏ်လုပ်ငန်း များ ဆောင်ရွက်နိုင်စေရေးအတွက် နိုင်ငံခြားငွေရောင်းဝယ်ဖောက်ကားသည့် AD (Authorized Dealer Licence) လိုင်စင်ကို ၂၄ သြဂုတ် ၂ဝ၁၂ တွင် ရရှိခဲ့ပြီးနောက် ဘဏ်ရေရှည် ရပ်တည်ခိုင်မြဲစေရန်နှင့် နိုင်ငံခြား ငွေတိုးပွားစေရန် ပြည်တွင်း၊ ပြည်ပလုပ်ငန်းရှင်များ၊ နိုင်ငံခြားတိုင်းပြည်ရှိ ဘဏ်များနှင့် Trade ကိစ္စရပ်များ တိုးမြှင့်ဆောင်ရွက်ခြင်း၊ Cross Border Trade ကိစ္စရပ်များနှင့် ပတ်သက်၍ သက်ဆိုင်ရာနိုင်ငံအသီးသီး၌ ငွေစာရင်းများဖွင့်လှစ်၍ ငွေကြေးများ တိုက်ရိုက်ပေးချေရန်ဆောင်ရွက်ခြင်း၊ နိုင်ငံတွင်းရှိ အခြားဘဏ်များနှင့် ရင်ပေါင်တန်း ယှဉ်ပြိုင်နိုင်ရေးတို့ကို တစ်နှစ်ထက်တစ်နှစ် ပို၍ ပို၍ စဉ်ဆက်မပြတ် အားထုတ်ကြိုးပမ်း ဆောင်ရွက်လျက်ရှိပါသည်။ ထို့ပြင် နိုင်ငံခြားတိုင်းပြည်များနှင့် ကုန်သွယ်မှုများပြုရာတွင် လွယ်ကူချောမွေ့ပြီး စိတ်ချမြန်ဆန်မှုရှိစေရေးအတွက် အဆက်အသွယ်ပြုလုပ်နေသော နိုင်ငံခြားဘဏ်များမှာ အောက်ပါအတိုင်း ဖြစ်ပါသည် -

(က)       စာရင်းဖွင့်လှစ်ဆောင်ရွက်နေသော နိုင်ငံခြားဘဏ်များမှာ အောက်ပါအတိုင်းဖြစ်ပါသည် -

          (၁) Punjab National Bank (formal-United Bank of India)

          (၂) Krung Thai Bank (Thailand)

          (၃) Kasikorn Bank (Thailand)

          (၄) Vietnam Joint Stock Commercial Bank for Industry and Trade (Vietnam) ဖြစ်ပြီး

(ခ)       Relationship Management Application ချိတ်ဆက်ထားသော Correspondent Bank (အဆက်အသွယ်ဘဏ်များ) မှာ အောက်ပါအတိုင်းဖြစ်ပါသည် -

          (၁) BIDV (Bank for Investment and Development of Vietnam)

          (၂) ICBC (Industrial and Commercial Bank of China)

          (၃) Shinhan Bank (Korea)

          (၄) Busan Bank

          (၅) P.T Bank JTRUST Indonesia တို့နှင့်ချိတ်ဆက်၍ လုပ်ကိုင်ဆောင်ရွက်လျက်ရှိပါသည်။

ပြည်ပရောက် မြန်မာနိုင်ငံသားအလုပ်သမားများနှင့် အကြောင်းအမျိုးမျိုးကြောင့် မြန်မာနိုင်ငံသို့ ငွေလွှဲရန် လိုအပ်သော Customer များအတွက် ရည်ရွယ်၍ ကမ္ဘာ့ရတနာဘဏ်သည် နိုင်ငံတကာငွေလွှဲ ဝန်ဆောင်မှုဖြစ်သည့် Western Union (WU) ဖြင့် နိုင်ငံပေါင်း (၂ဝဝ)ကျော်နှင့် ချိတ်ဆက်၍ နိုင်ငံတကာမှ ငွေလွှဲပို့ခြင်းလုပ်ငန်းများကို Customer များအား အကောင်းဆုံးဝန်ဆောင်မှုများပေးလျက်ရှိပါသည်။

No	Particular	Income
1	Export, Import (TT&LC)	၃၂၉.၉၅
2	Trade Finance
	-Interest	၂,၄၉၀.၈၂
	-Repayment	၁,၄၈၈.၉၇
3	Western Union(Inbound)	၂၅၆.၈၄
4	Guarantee	၂၅၇.၉၄
5	Money Changer
	-Buying & Selling	၅၄.၆၂
	Total Income	၄,၈၇၉.၁၄

ပြည်ပရောက် မြန်မာနိုင်ငံသားအလုပ်သမားများနှင့် အကြောင်းအမျိုးမျိုးကြောင့် မြန်မာနိုင်ငံသို့ ငွေလွှဲရန် လိုအပ်သော Customer များအတွက် ရည်ရွယ်၍ ကမ္ဘာ့ရတနာဘဏ်သည် နိုင်ငံတကာငွေလွှဲ ဝန်ဆောင်မှုဖြစ်သည့် Western Union (WU) ဖြင့် နိုင်ငံပေါင်း (၂ဝဝ)ကျော်နှင့် ချိတ်ဆက်၍ နိုင်ငံတကာမှ ငွေလွှဲပို့ခြင်းလုပ်ငန်းများကို Customer များအား အကောင်းဆုံးဝန်ဆောင်မှုများပေးလျက်ရှိပါသည်။

မြန်မာနိုင်ငံတော်ဗဟိုဘဏ်မှ ၂၆ အောက်တိုဘာ ၂ဝ၂၃ တွင် ထိုင်း-မြန်မာ နှစ်နိုင်ငံနယ်စပ် ကုန်သွယ်မှု ဘတ်/ကျပ် တိုက်ရိုက်အသုံးပြုပေးချေခြင်းနှင့် တရုတ်-မြန်မာ နှစ်နိုင်ငံနယ်စပ်ကုန်သွယ်မှုတွင် ယွမ်/ကျပ် တိုက်ရိုက်အသုံးပြုပေးချေခြင်းတို့အတွက် ဆောင်ရွက်ခွင့်ရသည့်ဘဏ် (Designated Bank) အဖြစ် ခွင့်ပြုခြင်း၊ ၃၁ ဇူလိုင် ၂ဝ၂၄ တွင် အိန္ဒိယ-မြန်မာ နှစ်နိုင်ငံနယ်စပ်ကုန်သွယ်မှုတွင် ရူပီး/ကျပ် တိုက်ရိုက် အသုံးပြုပေးချေ ဆောင်ရွက်ခြင်းအတွက် Designated Bank အဖြစ် ခွင့်ပြုချက်များရရှိပြီးဖြစ်၍ နယ်စပ်ဒေသများမှတစ်ဆင့် ထိုင်းနိုင်ငံ၊ တရုတ်နိုင်ငံ၊ အိန္ဒိယနိုင်ငံတို့နှင့် Cross Border Trade ဖြင့် သွင်းကုန်၊ ထုတ်ကုန်လုပ်ငန်းရှင်များ၏ လုပ်ငန်းများ အဆင်ပြေချောမွေ့စေရေးအတွက် ဝန်ဆောင်မှုများ ဆောင်ရွက်ပေး နေပြီဖြစ်ပါကြောင်းလည်း အသိပေးတင်ပြအပ်ပါသည်။