ကမ္ဘာ့ရတနာဘဏ်၏ ၂၀၂၄-၂၀၂၅ ဘဏ္ဍာနှစ်အတွက် ရန်ပုံငွေများခွဲဝေခြင်း

၂ဝ၂၄-၂ဝ၂၅ ဘဏ္ဍာနှစ်အတွက် နိုင်ငံတော်သို့ ဝင်ငွေခွန် ကျပ် (၂၉.၅၅) သန်း ပေးဆောင်ပြီးနောက် အောက်ပါအတိုင်း ရန်ပုံငွေများ ခွဲဝေထားပါသည် -

(က)       အထွေထွေသီးသန့်ရန်ပုံငွေ (General Reserve)

ဥပဒေအရ နှစ်အလိုက် ဘဏ်မှရရှိသော အမြတ်၏ (၂၅%) ဖြစ်သော ကျပ် (၂၆.၁၉) သန်းကို အထွေထွေသီးသန့်ရန်ပုံငွေအဖြစ် လျာထားခဲ့ပါသည်။ ယခုဘဏ္ဍာနှစ်အထိ စုစုပေါင်း အထွေထွေသီးသန့်ရန်ပုံငွေမှာ ကျပ် (၂၄,၉၆၉.၆၇) သန်း ဖြစ်ပါသည်။

ဘဏ်တွင်းစာရင်းစစ်ဆေးခြင်းနှင့် လုပ်ငန်းများ စစ်ဆေးခြင်း

ကမ္ဘာ့ရတနာဘဏ်၊ ဘဏ်တွင်းစာရင်းစစ်ဌာန (Internal Audit Department) မှ မြန်မာနိုင်ငံတော် ဗဟိုဘဏ်၏ ညွှန်ကြားချက်များနှင့်အညီ သီးခြားလွတ်လပ်သော ဒါရိုက်တာမှ အဖွဲ့ခေါင်းဆောင်အဖြစ် ဆောင်ရွက်သော စာရင်းစစ်ကော်မတီ၏ တိုက်ရိုက်ကြီးကြပ်မှုဖြင့် ရုံးချုပ်ဌာနများနှင့်ဘဏ်ခွဲများ၏ နေ့စဉ် စာရင်းပိတ်လုပ်ငန်းများ၊ လချုပ်စာရင်းများ၊ ချေးငွေလုပ်ငန်းများ၊ စီမံရေးရာလုပ်ငန်းများ၊ စာရင်းပိုင်းဆိုင်ရာ လုပ်ငန်းများနှင့် ငွေကြေးပိုင်းဆိုင်ရာလုပ်ငန်းများအား စာရင်းစစ်ကော်မတီ၏ လမ်းညွှန်မှု၊ ညွှန်ကြားမှုများကို ခံယူ၍ တိကျစွာလိုက်နာဆောင်ရွက်လျက်ရှိပါသည်။ ၂၀၂၄-၂၀၂၅ ဘဏ္ဍာနှစ်အတွင်း ဘဏ်ခွဲများ၏ ငွေကြေးဌာန၊ စာရင်းဌာန၊ စီမံဌာန၊ ငွေလွှဲဌာနနှင့် ချေးငွေဌာနလုပ်ငန်းများအား ညွှန်ကြားချက်များနှင့်အညီ လိုက်နာဆောင်ရွက်မှုရှိ/ မရှိတို့ကို On Site နှင့် Off Site စစ်ဆေးခြင်းများ ဆောင်ရွက်ခဲ့ပါသည်။ ထိုသို့ စစ်ဆေးရာတွင် Customer များ စာရင်းအသစ်ဖွင့်လှစ်သည့်အခါ KYC, CDD လိုအပ်ချက်များနှင့်အညီ ပြည့်စုံစွာ ဆောင်ရွက်ထားမှု၊ AML, CFT လုပ်ငန်းများနှင့်ပတ်သက်၍ မြန်မာနိုင်ငံတော်ဗဟိုဘဏ်နှင့် Compliance Department တို့၏ ညွှန်ကြားချက်များနှင့်အညီ လိုက်နာဆောင်ရွက်ထားမှု၊ ချေးငွေထုတ်ချေးမှုနှင့် စပ်လျဉ်း၍ အာမခံပေးအပ်ထားသည့် စာချုပ်စာတမ်းများနှင့် ဘဏ်နှင့်ချုပ်ဆိုရမည့် ချေးငွေဆိုင်ရာစာချုပ်စာတမ်းများနှင့် ပေးဆပ်ရန်ပျက်ကွက်သည့် ချေးငွေစာရင်းများအပေါ် ပျက်ကွက်သည့်ကာလအလိုက် အဆင့်သတ်မှတ်၍ အရေးယူဆောင်ရွက်ထားရှိမှုတို့ကို စစ်ဆေးခဲ့ပါသည်။ ငွေကြေးဌာနလုပ်ငန်းများနှင့် ပတ်သက်၍ ငွေကြေး မှတ်တမ်းများနှင့် ဘဏ်ခွဲ၏ ငွေသားလက်ကျန်ကိုက်ညီမှုတို့ကို စစ်ဆေးခဲ့ပါသည်။

ဘဏ်ခွဲများအား စစ်ဆေးခဲ့သည့်တွေ့ရှိချက်၊ လိုအပ်ချက်များအား သက်ဆိုင်ရာလုပ်ငန်းဌာနကြီးမှူး များနှင့် ဆွေးနွေးညှိနှိုင်း၍ ဘဏ်ခွဲများအား ပြင်ဆင်စေပြီး စာရင်းစစ်ဆေးတွေ့ရှိချက်အစီရင်ခံစာအား စာရင်းစစ်ကော်မတီသို့ တင်ပြ၍ စာရင်းစစ်ကော်မတီမှတစ်ဆင့် ဒါရိုက်တာအဖွဲ့သို့ ဆက်လက်တင်ပြလျက် ရှိပါသည်။ နောင်လာမည့် ဘဏ္ဍာနှစ်အတွက် ရုံးချုပ်ဌာနများနှင့် ဘဏ်ခွဲများအား စစ်ဆေးရန်အတွက် Audit Plan အား စာရင်းစစ်ကော်မတီ၏ လမ်းညွှန်မှုနှင့်အညီ ရေးဆွဲထားပြီး ရုံးချုပ်မှချမှတ်ထားသော လုပ်ထုံးလုပ်နည်းများ၊ ချမှတ်ထားသောစည်းမျဉ်းများ၊ စည်းကမ်းများ၊ ညွှန်ကြားချက်များနှင့်စပ်လျဉ်း၍ လိုက်နာဆောင်ရွက်မှုများကို စစ်ဆေးမှုများ ပြုလုပ်လျက်ရှိပါသည်။

AML/CFT ဆောင်ရွက်မှုအခြေအနေ

ကမ္ဘာ့ရတနာဘဏ်သည် ပြည်ထဲရေးဝန်ကြီးဌာန၊ မြန်မာနိုင်ငံတော်ဗဟိုဘဏ်၊ အဂတိလိုက်စားမှု တိုက်ဖျက်ရေး ကော်မရှင်၊ ငွေကြေးဆိုင်ရာ စုံစမ်းထောက်လှမ်းရေးအဖွဲ့၊ မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးအန္တရာယ် တားဆီးကာကွယ်ရေးဗဟိုအဖွဲ့စသည့် အဖွဲ့အစည်းများနှင့်ဆက်စပ်၍ လုပ်ငန်းတာဝန်များအား အောက်ဖော်ပြပါ ဥပဒေများ၊ Guidelines ၊ Instruction များနှင့်အညီ လိုက်နာ ဆောင်ရွက်လျက်ရှိပါသည် -

၂၀၂၅ ခုနှစ်၊ မတ်လ (၃၁) ရက်နေ့တွင် ကုန်ဆုံးသောနှစ်အတွက် ဒါရိုက်တာအဖွဲ့၏အစီရင်ခံစာ

ဒါရိုက်တာအဖွဲ့သည် ၂ဝ၂၅ ခုနှစ်၊ မတ်လ (၃၁) ရက်နေ့၌ ကုန်ဆုံးသောနှစ်အတွက် အစီရင်ခံစာကို စာရင်းစစ်ဆေးပြီးသော ကမ္ဘာ့ရတနာဘဏ် (အများပိုင်ကုမ္ပဏီလီမိတက်)၏ ဘဏ္ဍာရေးရှင်းတမ်းများနှင့်အတူ တင်ပြအပ်ပါသည် -

(က) အစီရင်ခံစာပါ ဘဏ္ဍာရေးရှင်းတမ်းများသည် ၂ဝ၂၅ ခုနှစ်၊ မတ်လ (၃၁) ရက်နေ့တွင်ရှိသော ဘဏ်၏ဘဏ္ဍာရေးအခြေအနေနှင့် ၎င်းနေ့ရက်တွင် ကုန်ဆုံးသောနှစ်အတွက် ဘဏ်၏ ရှယ်ယာနှင့် ငွေသားစီးဆင်းမှုများတွင် ဖြစ်ပေါ်ခဲ့သော အပြောင်းအလဲများနှင့် ဘဏ္ဍာရေး လုပ်ဆောင်ချက်တို့ကို မှန်ကန်မျှတစွာ သုံးသပ်ရေးဆွဲထားသည်။

ဘဏ်၏ချေးငွေများအပေါ် အတိုးကောက်ခံခြင်းကာလ ရွှေ့ဆိုင်းခြင်းနှင့် ဒဏ်ကြေးကင်းလွတ်ခွင့်ပြုခြင်း အစီအစဉ်များ

COVID-19 ကမ္ဘာ့ကပ်ရောဂါနှင့် မိုခါမုန်တိုင်းတို့သည် မြန်မာ့စီးပွားရေးနှင့် ကမ္ဘာ့ရတနာဘဏ် (အများနှင့်သက်ဆိုင်သော ကုမ္ပဏီလီမိတက်)၏ Customer များအပေါ် ရိုက်ခတ်မှုများရှိခဲ့ပါသည်။ သို့ပါ၍ ကမ္ဘာ့ရတနာဘဏ်အနေဖြင့် ဘဏ်လုပ်ငန်းဝန်ဆောင်မှုများကို ဆက်လက်၍ အပြည့်အဝပေးဆပ်နိုင်ရန် အတွက်လည်း ကြိုတင်ကာကွယ်မှုများကို ဆောင်ရွက်ထားနိုင်ခဲ့ပြီဖြစ်ပါသည်။ ထို့ပြင် ကမ္ဘာ့ရတနာဘဏ် သည် Customer များအတွက် လိုအပ်သည့် အားပေးပံ့ပိုးမှုများအဖြစ် ကျွန်ုပ်တို့၏ Customer များအား ပြင်ပ ပတ်ဝန်းကျင်အခြေအနေများအပေါ်မူတည်၍ ကူညီလမ်းညွှန်မှုပေးခြင်း ၎င်းတို့ကြုံတွေ့ရသည့် စိန်ခေါ်မှုများ ကိုသက်သာစေရန် အထူးဖြေလျှော့ပေးခြင်း၊ ဆိုင်းငံ့ပေးခြင်းနှင့် ကင်းလွတ်ခွင့်ပြုခြင်းဟူသော လုပ်ငန်းစဉ်များ ကို အကောင်အထည်ဖော် ဆောင်ရွက်ပေးနိုင်ခဲ့ပါသည် -

ဘဏ္ဍာရေးရှင်းတမ်းများနှင့် ၎င်းတို့‌အပေါ် စာရင်းစစ်အစီရင်ခံစာမှအပ အခြားသတင်းအချက်အလက်များ

ဘဏ်၏စီမံအုပ်ချုပ်မှုအဖွဲ့သည် ဘဏ္ဍာရေးရှင်းတမ်းများနှင့် ပတ်သက်၍ အခြားသတင်းအချက် အလက်များအတွက် တာဝန်ရှိပါသည်။ ထိုအခြားသတင်းအချက်အလက်များမှာ စာမျက်နှာ ၁ မှ ၅ အထိ တင်ပြထားပြီး၊ ၂၀၂၄ခုနှစ်၊ မတ်လ၊ (၃၁) ရက်နေ့တွင် ကုန်ဆုံးသော မီနီဘဏ္ဍာရေးနှစ်အတွက် အုပ်ချုပ်မှု ဒါရိုက်တာအဖွဲ့၏ အစီရင်ခံစာလည်း ပါရှိပါသည်။

ဘဏ္ဍာရေးရှင်းတမ်းများစစ်ဆေးမှုအပေါ် စာရင်းစစ်၏တာဝန်များ

ကျွန်ုပ်တို့စာရင်းစစ်ဆေးခြင်း၏ ရည်ရွယ်ချက်မှာ ထင်မြင်ယူဆချက်ပါဝင်သော စာရင်းစစ်အစီရင်ခံ စာ ထုတ်ပေးရန်နှင့်၊ လိမ်လည်မှုနှင့် စာရင်းအမှားကြောင့် ဘဏ္ဍာရေးရှင်းတမ်းတစ်ခုလုံးအပေါ်တွင် ကြီးမားသောမှားယွင်းဖော်ပြချက်မှ ကင်းလွတ်ကြောင်း၊ သင့်လျော်သော ကျိုးကြောင်းဆီလျော် သေချာမှုကို ရယူရန်ရည်ရွယ်ပါသည်။ သင့်လျော်သော ကျိုးကြောင်းဆီလျော် သေချာမှုသည် အဆင့်မြင့်မားသော ဆီလျော်သေချာမှုဖြစ်သော်လည်း မြန်မာနိုင်ငံစာရင်းစစ်စံများအရ စာရင်းစစ်ဆေးဆောင်ရွက်ချိန်တွင် ကြီးမားသော မှားယွင်းဖော်ပြချက်ရှိနေပါက အဆိုပါအမှားများကို အမြဲတမ်းဖော်ထုတ်နိုင်လိမ့်မည်ဟု အာမခံနိုင်မည်မဟုတ်ပါ။ လိမ်လည်မှုနှင့် စာရင်းအမှားကြောင့် ဘဏ္ဍာရေးရှင်းတမ်းတစ်ခုလုံးအပေါ်တွင် ကြီးမားသော မှားယွင်းဖော်ပြချက်များမှာ တစ်ခုချင်းအရ ကြီးမားသောအမှား (သို့မဟုတ်) တစ်ခုချင်းစီ စုပေါင်းပြီး စုစုပေါင်းအရ ကြီးမားသော အမှားများ ဖြစ်နိုင်ပါသည်။

ကမ္ဘာ့ရတနာဘဏ်(အများနှင့်သက်ဆိုင်သောကုမ္ပဏီလီမိတက်) (Incorporated in the Republic of the Union of Myanmar)
ဥပဒေ၊စည်းမျဉ်းလိုအပ်ချက်များနှင့် ပတ်သက်သည့် အစီရင်ခံခြင်း

မြန်မာနိုင်ငံကုမ္ပဏီများဥပဒေ (၂ဝ၁၇) ပုဒ်မ ၂၈ဝ အရလည်းကောင်း၊ မြန်မာနိုင်ငံငွေရေးကြေးရေး အဖွဲ့အစည်းများဥပဒေ ပုဒ်မ ၈၉(က) နှင့် ၉ဝ(က)အရလည်းကောင်း၊ ကျွန်ုပ်တို့၏ အစီရင်ခံသည့်အချက်မှာ -