Channel Banking လုပ်ငန်းဆောင်ရွက်မှုအခြေအနေ

ကမ္ဘာ့ရတနာဘဏ်၊ Channel Banking မှ ထုတ်ဝေလျက်ရှိသော GTB UnionPay Single Brand Credit Card သည် ကမ္ဘာတစ်ဝန်းရှိ နိုင်ငံပေါင်း ၁၈၁ နိုင်ငံတွင် အသုံးပြုနိုင်သည့် ကမ္ဘာ့အကြီးဆုံးကတ် ဈေးကွက် (World’s Largest Market) ရရှိထားခြင်းကြောင့် အရည်အသွေးမြင့် လုံခြုံသော နယ်စပ်ဖြတ်ကျော် ငွေပေးချေမှုများကို ဆောင်ရွက်နိုင်သည့် EMV compliance ကတ်အမျိုးအစားဖြစ်ပြီး၊ လုပ်ငန်းစတင်ချိန်မှ ၃၁ မတ် ၂၀၂၅ အထိ ကတ်အသုံးပြုပေးချေသည့် ပမာဏမှာ ကျပ် (၃.၆၈) ဘီလီယံကျော်ဖြစ်ပြီး ပြန်လည်ပေးသွင်း သည့် ပမာဏမှာ ကျပ် (၃.၆၃) ဘီလီယံကျော်ရှိပါသည်။

GTB Pay User များအနေဖြင့် ကမ္ဘာ့ရတနာဘဏ်ရှိ ၎င်းတို့၏ ဘဏ်စာရင်းများနှင့် ချိတ်ဆက် ဆောင်ရွက်နိုင်ပြီး ၃၁ မတ် ၂၀၂၅ အထိ Bank Account များနှင့် ဆောင်ရွက်မှုပမာဏမှာ ကျပ် (၁.၄၃) ဘီလီယံ ကျော်၊ GTB Agent များတွင် ငွေသွင်း/ ငွေထုတ်ဆောင်ရွက်မှုပမာဏမှာ ကျပ် (၁.၈၉) ဘီလီယံကျော်၊ Wallet to Wallet (P to P) ဆောင်ရွက်မှုပမာဏမှာ ကျပ် (၁.၇၅) ဘီလီယံကျော်၊ Wallet to Merchant ဆောင်ရွက်မှု ပမာဏမှာ ကျပ် (၀.၀၂) ဘီလီယံကျော်၊ Bill Payment (P to B) ဆောင်ရွက်မှုပမာဏမှာ ကျပ် (၀.၁၆) ဘီလီယံကျော်နှင့် လျှပ်စစ်မီတာဘေလ်ပေးဆောင်ခြင်း (P to G) ဆောင်ရွက်မှုပမာဏမှာ ကျပ် (၂.၅၃) ဘီလီယံကျော် ဆောင်ရွက်ခဲ့ပြီး ၂၀၂၄-၂၀၂၅ ဘဏ္ဍာနှစ်အတွင်း GTB Wallet လုပ်ငန်းဆောင်ရွက်မှုပမာဏ စုစုပေါင်းမှာ ကျပ် (၇.၇၈) ဘီလီယံကျော် ဖြစ်ပါသည်။

ဆက်လက်၍ မြန်မာနိုင်ငံတော်ဗဟိုဘဏ်၏ လမ်းညွှန်ချက်နှင့်အညီ GTB Pay နှင့် MyanmarPay (MMQR) ချိတ်ဆက်ဆောင်ရွက်လျက်ရှိခြင်း၊ GTB Pay မှ Wave Money Agent များတွင် Cash In/ Cash Out ဆောင်ရွက်နိုင်ရန် ဆောင်ရွက်လျက်ရှိခြင်း၊ အခြားပြည်ပနိုင်ငံများတွင် သွားရောက်လုပ်ကိုင်နေသော မြန်မာ ရွှေ့ပြောင်းလုပ်သားများ မြန်မာနိုင်ငံရှိ မိသားစုဝင်များသို့ ငွေလွှဲပို့ရာတွင် အဆင်ပြေစွာ ထုတ်ယူနိုင်စေရန် အတွက် International Remittance လုပ်ငန်းအား True Money နှင့် ဆက်လက် ဆောင်ရွက်လျက်ရှိပါသည်။