၂၀၂၄-၂၀၂၅ ဘဏ္ဍာနှစ်

ကမ္ဘာ့ရတနာဘဏ်

(အများနှင့်သက်ဆိုင်သောကုမ္ပဏီလီမိတက်)

(၃၀) ကြိမ်မြောက် နှစ်ပတ်လည်အထွေထွေအစည်းအဝေးကြီးသို့ တင်သွင်းသည့်

ဒါရိုက်တာအဖွဲ့၏ အစီရင်ခံစာ

၁။ အစုရှယ်ယာများဖြင့် ပေးရန်တာဝန်ကန့်သတ်ထားသည့် အများနှင့်သက်ဆိုင်သောကုမ္ပဏီအဖြစ် တည်ထောင်ရန် ၆ ဖေဖော်ဝါရီ ၁၉၉၆ တွင် ကုမ္ပဏီမှတ်ပုံတင်အမှတ် (၁၃၇၅ / ၁၉၉၅-၁၉၉၆) ဖြင့်ခွင့်ပြုခဲ့ပြီး၊ ၁၉၉၀ ပြည့်နှစ် ပြဋ္ဌာန်းသော မြန်မာနိုင်ငံငွေရေးကြေးရေးအဖွဲ့အစည်းများ ဥပဒေနှင့်အညီ မြန်မာနိုင်ငံတော် ဗဟိုဘဏ်၏ လိုင်စင်အမှတ်၊ မဗဘ/ပီ-၁၅/(၂)၉၆ ဖြင့် ၁၅ ဖေဖော်ဝါရီ ၁၉၉၆ တွင် မြန်မာ့မွေးမြူရေးနှင့် ရေလုပ်ငန်းဖွံ့ဖြိုးရေးဘဏ်လီမိတက် အမည်ဖြင့် စတင်ဖွင့်လှစ်ဆောင်ရွက်ခဲ့ပါသည်။
၂။ မြန်မာ့မွေးမြူရေးနှင့် ရေလုပ်ငန်းဖွံ့ဖြိုးရေးဘဏ်အား ၁၅ ဖေဖော်ဝါရီ ၁၉၉၆ တွင် စတင်တည်ထောင် ဖွင့်လှစ်စဉ် (ကုန်သွယ်ရေးဝန်ကြီးဌာန) (ယခု-စီးပွားရေးနှင့်ကူးသန်းရောင်းဝယ်‌ရေးဝန်ကြီးဌာန) ကွပ်ကဲမှု အောက်တွင် စတင်တည်ထောင်ခဲ့ပြီး ၁ ဇန်နဝါရီ ၁၉၉၉ တွင် လုပ်ငန်းသဘောသဘာဝနှင့် ဆက်စပ်မှုရှိရန် အတွက် မွေးမြူရေးနှင့်ရေလုပ်ငန်းဝန်ကြီးဌာန ကွပ်ကဲမှုအောက်သို့ လွှဲပြောင်းပေးအပ်ခဲ့ပါသည်။ ဘဏ်၏ လုပ်ငန်းဆောင်တာအဝဝကို ဆက်လက်ကြိုးပမ်းဆောင်ရွက်ခဲ့ရာ ၁ ဇူလိုင် ၂၀၁၃ မှစ၍ ကမ္ဘာ့ရတနာဘဏ် (အများနှင့်သက်ဆိုင်သောကုမ္ပဏီလီမိတက်) အမည်သို့ ပြောင်းလဲပြင်ဆင်သတ်မှတ်ခဲ့ပြီး ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန၏ ကုမ္ပဏီမှတ်ပုံတင်အမှတ် (၁၂၄၆၀၂၄၀၈)၊ မြန်မာနိုင်ငံတော်ဗဟိုဘဏ် လိုင်စင်အမှတ်၊ မဗဘ/ပဘ(အာရ်)-၂၂/၀၈/၂၀၁၆၊ ၁၈ ဩဂုတ် ၂၀၁၆ တို့ဖြင့် လုပ်ငန်းတာဝန်များကို ဆောင်ရွက်လျက်ရှိပါသည်။

၃။ ဘဏ်အနေဖြင့် သက်တမ်းရလာသည်နှင့်အမျှ အများပြည်သူတို့၏ ယုံကြည်ကိုးစားမှု ရလာသည့် အလျောက် အပ်ငွေများတိုးတက်ရရှိလာပြီး တိုးတက်ရရှိလာသော အပ်ငွေများအား ဘက်စုံစီးပွားရေးဖွံ့ဖြိုး တိုးတက်မှု အထောက်အကူပြုသည့် သားငါးကဏ္ဍထုတ်လုပ်မှုလုပ်ငန်း၊ စက်မှုလုပ်ငန်း၊ ကုန်သွယ်မှုလုပ်ငန်း၊ ဆောက်လုပ်ရေးလုပ်ငန်း၊ ဝန်ဆောင်မှုလုပ်ငန်းအစရှိသည့် စီးပွားရေးလုပ်ငန်းအသီးသီးသို့ ခိုင်မာသော ချေးငွေများ ထုတ်ချေးခဲ့ပါသည်။
၄။ လက်ရှိဖြစ်ပေါ်နေသော နိုင်ငံရေးအခြေအနေနှင့် နယ်မြေဒေသလုံခြုံရေးအရ ဘဏ်ခွဲပေါင်း (၃၄) ဘဏ်အား ခေတ္တပိတ်ထားရသော်လည်း (၁၄၃) ဘဏ်ဖြင့် Customer များအား ငွေကြေးဝန်ဆောင်မှုလုပ်ငန်း များ အဆင်ပြေချောမွေ့စေရန် ဆောင်ရွက်ပေးလျက်ရှိသည့်အပြင် ၂၈ မတ် ၂၀၂၅ က အင်အားပြင်းထန်စွာ လှုပ်ခတ်ခဲ့သော မန္တလေးငလျင်ကြီးကြောင့် ပြည်ထောင်စုနယ်မြေ နေပြည်တော်၊ မန္တလေးတိုင်းနှင့် စစ်ကိုင်းတိုင်းရှိ ဘဏ်ခွဲအချို့တွင် အနည်းငယ်ပျက်စီးမှုများရှိခဲ့သော်လည်း Customer များအား အခက်အခဲမရှိ ငွေကြေးဝန်ဆောင်မှုများ ဆောင်ရွက်ပေးခဲ့ပါသည်။
၅။ ကမ္ဘာ့ရတနာဘဏ်သည် ဌာနကြီး (၁၆) ခုထိ တိုးချဲ့ဖွင့်လှစ်ပြီး လုပ်ငန်းများ ပိုမိုကောင်းမွန်အောင် အကောင်အထည်ဖော် ဆောင်ရွက်လျက်ရှိပါသည်။ ယခင် ၁၉၉၉ ခုနှစ်ကာလက ဘဏ်ခွဲ (၄) ခု သာရှိရာမှ ယခုအခါ ဘဏ်ခွဲ (၁၇၇) ဘဏ်ထိ တိုးချဲ့ဖွင့်လှစ်နိုင်ခဲ့ပါသည်။ ဘဏ်ခွဲများ တိုးချဲ့ဖွင့်လှစ်ဆောင်ရွက်လျက် ရှိသည့်အပြင် ဘဏ်ဝန်ထမ်းများ အတွေ့အကြုံနှင့် ဘဏ်လုပ်ငန်းပညာရပ်များ အသိပညာတိုးမြှင့်ရေးအတွက် မြန်မာနိုင်ငံတော်ဗဟိုဘဏ်နှင့် မြန်မာနိုင်ငံဘဏ်များအသင်းမှ စီစဉ်သောသင်တန်းများ စေလွှတ်တက်ရောက် စေခြင်း၊ ဘဏ်တွင်းဖွင့်လှစ်သော မွမ်းမံသင်တန်းများ (Information Technology) ပိုင်းဆိုင်ရာ နည်းပညာ သင်တန်းများ၊ ငွေကြေးခဝါချမှုတိုက်ဖျက်ရေး၊ အကြမ်းဖက်ငွေကြေးထောက်ပံ့မှုတိုက်ဖျက်ရေး (AML/CFT) ဆိုင်ရာသင်တန်းများ၊ Channel Banking ဌာနမှ ဆောင်ရွက်လျက်ရှိသော GTB Mobile Wallet ဆိုင်ရာ နည်းပညာသင်တန်းများကိုလည်း စဉ်ဆက်မပြတ် သင်ကြားပို့ချပေးလျက် ဘဏ်ဝန်ထမ်းများ၏ အရည်အသွေး တိုးတက်မြင့်မားရေးအတွက်လည်း စီစဉ်ဆောင်ရွက်ပေးလျက်ရှိပါသည်။
၆။ ၂၀၂၄-၂၀၂၅ ဘဏ္ဍာနှစ်အတွင်း ကမ္ဘာ့ရတနာဘဏ်၏ GTB Mobile Wallet ဖြစ်သော GTB Pay, GTB Agent, GTB Merchant များဖြင့် Digital Banking ဝန်ဆောင်မှုများကို ဆောင်ရွက်ပေးနိုင်ခဲ့ပါသည်။ GTB Pay ဖြင့် GTB Pay Account အချင်းချင်းငွေလွှဲခြင်း၊ GTB Pay, GTB Agent များသည် သက်ဆိုင်ရာ ဘဏ်စာရင်း များနှင့် ချိတ်ဆက်ပြီး Wallet Cash In/ Cash Out ဆောင်ရွက်နိုင်ခြင်း၊ အခြားဘဏ်များ၏ MPU Card များမှ လည်းကောင်း၊ GTB Agent များတွင် ငွေသားပေးသွင်း၍လည်းကောင်း၊ Wallet Cash In ဆောင်ရွက်နိုင်ခြင်း နှင့် GTB Agent များတွင် Wallet Cash Out ဖြင့် ငွေသားထုတ်ယူနိုင်ခြင်း၊ နိုင်ငံတစ်ဝန်း နေရာဒေသမရွေး လျှပ်စစ်မီတာဘေလ်များ‌ ပေးဆောင်နိုင်ခြင်း၊ ဖုန်းဘေလ်ဖြည့်သွင်းခြင်းနှင့် Bill Payment များ ဆောင်ရွက် နိုင်ခဲ့ပြီဖြစ်ပါသည်။
၇။ ကမ္ဘာ့ရတနာဘဏ် ပြင်ပစာရင်းစစ်အဖွဲ့အနေဖြင့် ICOP Sein Win & Associates Company Limited နှင့်အဖွဲ့အား ၂၀၂၄-၂၀၂၅ ဘဏ္ဍာနှစ်အတွက် ဘဏ်၏ စာရင်းစစ်အဖွဲ့အဖြစ် တာဝန်ပေးအပ်ခဲ့ပါသည်။ ကမ္ဘာ့ရတနာဘဏ်ကို အများနှင့်သက်ဆိုင်သောဘဏ် (Public Bank) အဖြစ် ဖွဲ့စည်းတည်ထောင်ခဲ့ခြင်း ဖြစ်သဖြင့် ဘဏ်၏ ဖွဲ့စည်းပုံအခြေခံစည်းမျဉ်းတို့နှင့်အညီ နှစ်စဉ်ဘဏ္ဍာနှစ်ကုန်ဆုံးချိန်တွင် တစ်နှစ်အတွင်း ဆောင်ရွက်ခဲ့သော လုပ်ငန်းအားလုံးကို ဒါရိုက်တာအဖွဲ့က အစီရင်ခံစာရေးသားပြုစုပြီး အစုရှယ်ယာရှင် အားလုံးထံသို့ နှစ်စဉ်တင်ပြခဲ့ပါသည်။ ယခု ၂၀၂၄-၂၀၂၅ ဘဏ္ဍာနှစ်တွင်လည်း အစုရှယ်ယာရှင်များက ရွေးချယ် တင်မြှောက်ထားသော ဘဏ်ဒါရိုက်တာအဖွဲ့မှ အတည်ပြုခန့်အပ်ပေးထားသည့် စာရင်းစစ်အဖွဲ့ဝင်များနှင့် ပြင်ပစာရင်းစစ် ICOP Sein Win & Associates Company Limited - အဖွဲ့တို့၏ စစ်ဆေးတွေ့ရှိချက်များကို ဒါရိုက်တာအဖွဲ့၏ အစီရင်ခံစာတွင် အသေးစိတ်ဖော်ပြထားပါသည်။
၈။ “သင့်ရည်မှန်းချက်အောင်မြင်ရေး GTB မှ ဖြည့်ဆည်းပေး’’ “Your Dream Your Success, Global Treasure Bank” ဆောင်ပုဒ်နဲ့အညီ ကမ္ဘာ့ရတနာဘဏ်မှ Customer များ၏ လိုအပ်ချက်များကို စိတ်ကျေနပ်မှု ရရှိစေရန် ကိုယ်စွမ်းဥာဏ်စွမ်းရှိသမျှ ကြိုးစားဆောင်ရွက်လျက်ရှိပါကြောင်း တင်ပြအပ်ပါသည်။